മട്ടാഞ്ചേരി: പത്ത് വയസുകാരനെ പ്രകൃതി വിരുദ്ധ ലൈഗീക പീഡനത്തിനിരയാക്കിയ കേസില്‍ യുവാവ് ഫോര്‍ട്ട്‌കൊച്ചി പൊലിസിന്റെ പിടിയിലായി.തുരുത്തി സ്വദേശി സജീര്‍(26)ആണ് പിടിയിലായത്.
ചായക്കടയില്‍ പോയി തിരികെ വരികയായിരുന്ന ബാലനെ പ്രാവിനെ കാണിച്ച് തരാമെന്ന് പറഞ്ഞ് വീട്ടിലേക്ക് കൂട്ടി കൊണ്ടുപോയി പീഡനത്തിനിരയാക്കുകയായിരുന്നു.വീട്ടിലെത്തിയ ബാലന്‍ പിതാവിനോട് വിവരം പറഞ്ഞതിനെ തുടര്‍ന്ന് പിതാവും സുഹൃത്തും ചേര്‍ന്ന് സജീറിനെ താക്കീത് ചെയ്തു.ഇതില്‍ പ്രകോപിതനായ സജീറും സുഹൃത്തുക്കളായ അന്‍സാരി,സുല്‍ഫിക്കര്‍ എന്നിവര്‍ ചേര്‍ന്ന് പീഡനത്തിനിരയായ ബാലന്റെ പിതാവിന്റെ സുഹൃത്തിനെ മര്‍ദിച്ചു.ഈ സംഭവത്തില്‍ സുഹൃത്ത് പൊലിസിന് നല്‍കിയ പരാതിയെ തുടര്‍ന്ന് സജീറിനേയും സുഹൃത്തുക്കളേയും ചോദ്യം ചെയ്തപ്പോഴാണ് പീഡന വിവരം പുറത്ത് വരുന്നത്.തുടര്‍ന്ന് സജീറിനെതിരെ ബാലപീഡനത്തിന് കേസെടുക്കുകയിയിരുന്നു.കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.