എടവണ്ണ: പഞ്ചായത്തിനു മാലിന്യ സംസ്‌കരണത്തിന് സംവിധാനങ്ങളില്ല. ടൗണിലെ മാലിന്യം വര്‍ഷങ്ങളായി തള്ളുന്നത് പാലത്തിന് ചുവട്ടില്‍. എടവണ്ണയില്‍ മാലിന്യ സംസ്‌കരണത്തിനായി വര്‍ഷങ്ങള്‍ക്ക് മുന്‍പ് പത്തപ്പിരിയത്ത് സ്ഥലം വാങ്ങിയങ്കിലും സമീപവാസികളുടെ എതിര്‍പ്പിനെ തുടര്‍ന്ന് പദ്ധതി നിശ്ചലമായി.
എന്നാല്‍ വര്‍ഷങ്ങള്‍ കഴിഞ്ഞിട്ടും മാലിന്യ നിര്‍മാര്‍ജനത്തിനായി ബദല്‍ സംവിധാനം കണ്ടെത്താന്‍ പഞ്ചായത്തിന് കഴിഞ്ഞിട്ടില്ല.
ജമാലങ്ങാടിയിലെ പഴയ പാലത്തിന് ചുവട്ടിലാണിപ്പോള്‍ ടൗണിലെ വ്യാപാരികളടക്കമുള്ളവര്‍ മാലിന്യം തള്ളുന്നത്.
ഇത് വര്‍ഷക്കാലമായതോടെ തോട്ടിലേക്ക് ഒഴുകുകയും ചാലിയാര്‍ പുഴയില്‍ എത്തിച്ചേരുകയും ചെയ്യുന്നു. പഞ്ചായത്തില്‍ മാലിന്യ സംസ്‌കരണ സ്ഥിരം സംവിധാനമൊരുക്കണമെന്നാണ് വ്യാപാരികളുടെ ആവശ്യം.