കാസര്‍കോട്: ചെമ്പരിക്ക മംഗളൂരു ഖാസിയും സമസ്ത വൈസ് പ്രസിഡന്റുമായ സി.എം അബ്ദുല്ല മൗലവിയുടെ മരണം ആത്മഹത്യയെന്ന കണ്ടുപിടിത്തം സമുദായത്തെ താറടിക്കാനും പരിഹസിക്കാനുമാണെന്ന് പി.ഡി.പി സംസ്ഥാന വൈസ് ചെയര്‍മാന്‍ സുബൈര്‍ സ്വബാഹി.  പി.ഡി.പി നിരന്തര സമരത്തിന്റെ ഭാഗമായി പുതിയ ബസ് സ്റ്റാന്‍ഡ് പരിസരത്ത് ഒപ്പുമരച്ചുവട്ടില്‍ സംഘടിപ്പിച്ച ഏകദിന ഉപവാസം ഉദ്ഘാടനം ചെയ്യുകയായിരുന്നു അദ്ദേഹം. റഷീദ് മുട്ടുന്തല അധ്യക്ഷനായി.
എസ്.കെ.എസ്.എസ്.എഫ് ജില്ലാ സെക്രട്ടറി ഹാരിസ് ദാരിമി, ഹമീദ് കുണിയ, ഗോപി കുതിരക്കല്‍, ജോസ് കുറ്റിയാനി, അബ്ദുല്‍ഖാദര്‍, എം.എം.കെ സിദ്ദീഖ്, എം.കെ.ഇ അബ്ബാസ്, ഹാരിസ് ബന്നങ്ങ, അബ്ദുല്‍ റഹ്മാന്‍, യൂനുസ് തളങ്കര സംസാരിച്ചു. പി.ഡി.പി നടത്താനുദ്ദേശിക്കുന്ന സമരങ്ങളുടെ പ്രഖ്യാപനം എസ്.എം ബഷീര്‍ അഹമ്മദ് നിര്‍വഹിച്ചു.