ആലക്കോട്: കരുവഞ്ചാല്‍ പള്ളിക്കവലയിലെ തടത്തില്‍ സാവിത്രിയുടെ വീട്ടുമുറ്റത്തെ കിണറില്‍ മണ്ണെണ്ണ കലര്‍ത്തിയതായി പരാതി. അയല്‍പക്കത്തെ വീട്ടുകാര്‍ പോലും കുടിവെള്ളത്തിനായി ഈ കിണറാണ് ഉപയോഗിക്കുന്നത്.
ഇന്നലെ രാവിലെയാണ് കിണറില്‍ നിന്ന് മണ്ണെണ്ണയുടെ ഗന്ധം അനുഭവപ്പെടാന്‍ തുടങ്ങിയത്. പരിശോധനയില്‍ കിണറിലെ മീനുകള്‍ ഉള്‍പ്പെടെ ചത്തു പൊങ്ങിയ നിലയില്‍ കണ്ടെത്തുകയായിരുന്നു.
വാര്‍ഡ് മെമ്പര്‍ എന്‍.യു അബ്ദുല്ല ഉള്‍പ്പെടെയുള്ളവര്‍ സംഭവ സ്ഥലം സന്ദര്‍ശിച്ചു. വീട്ടുകാര്‍ ആലക്കോട് പൊലിസില്‍ പരാതി നല്‍കി.