കണ്ണൂര്‍: ലൈബ്രറി കൗണ്‍സില്‍ അക്ഷരായനം കലാജാഥ ഇന്ന് സമാപിക്കും. വൈകുന്നേരം 6.30ന് കണ്ണപുരം ചെമ്മരവയലില്‍ സമാപന സമ്മേളനം ജില്ലാ പഞ്ചായത്ത് പ്രസിഡന്റ് കെ.വി സുമേഷ് ഉദ്ഘാടനം ചെയ്യും. സാംസ്‌കാരിക മുന്നേറ്റത്തിന് വായന എന്ന സന്ദേശം ഉയര്‍ത്തി ലൈബ്രറി കൗണ്‍സില്‍ ജില്ലാ സെക്രട്ടറി പി.കെ ബൈജു വാണ് ജാഥ നയിക്കുന്നത്. ചൊവ്വാഴ്ചത്തെ പര്യടനം പന്ന്യോട്ട് മുണ്ടേരി പഞ്ചായത്ത് പ്രസിഡന്റ് എ. പങ്കജാക്ഷന്‍ ഉദ്ഘാടനം ചെയ്തു. ഇന്ന്  രാവിലെ പത്തിന് പാണപ്പുഴ, 12ന് അന്നൂര്‍ പീപ്പിള്‍സ് ലൈബ്രറി, 4ന് പിലാത്തറ എന്നിവിടങ്ങളില്‍ സ്വീകരണം നല്‍കും.