തളിപ്പറമ്പ്: സുഹൃത്തിന്റെ ഗുഡ്‌സ് ഓട്ടോറിക്ഷ മോഷ്ടിച്ച് മണല്‍ മാഫിയക്ക് വില്‍പ്പന നടത്തി ഗള്‍ഫിലേക്ക് കടന്ന യുവാവിനെ തളിപ്പറമ്പ് പൊലിസ് അറസ്റ്റ് ചെയ്തു. ചൊറുക്കളയിലെ കെ.പി ജംഷീറി(22)നെയാണ് എസ്.ഐ പി.എ ബിനു മോഹന്റെ നേതൃത്വത്തില്‍ പിടികൂടിയത്. 2015 ഫെബ്രുവരി നാലിനായിരുന്നു മുസ്തഫയുടെ ഓട്ടോറിക്ഷ ജംഷീര്‍ മോഷ്ടിച്ചത്. മാട്ടൂലിലാണ് ഓട്ടോ വില്‍പ്പന നടത്തിയത്. കോടതിയില്‍ ഹാജരാക്കിയ ജംഷീറിനെ റിമാന്‍ഡ് ചെയ്തു.