ആലപ്പുഴ: : അരിക്കുറ്റിയില്‍ സാമൂഹികാരോഗ്യ കേന്ദ്രത്തിലെ ഡോക്ടറെ രോഗിയുടെ ആള്‍ക്കാര്‍ മര്‍ദ്ദിച്ചതിനെ തുടര്‍ന്ന് ആലപ്പുഴ ജില്ലയില്‍ സര്‍ക്കാര്‍ ഡോക്ടര്‍മാര്‍ പണിമുടക്കുന്നു. ഡോക്ടറെ മര്‍ദിച്ചവര്‍ക്കെതിരേ ഉടന്‍ നടപടിയെടുക്കണമെന്ന് ആവശ്യപ്പെട്ടുകൊണ്ടാണ് ഡോക്ടര്‍മാര്‍ സംമരം ചെയ്യുന്നത്. അക്രമികളെ ഉടന്‍ അറസ്റ്റ് ചെയ്തില്ലെങ്കില്‍ നാളെ മുതല്‍ സംസ്ഥാന വ്യാപകമായി പണിമുടക്കുമെന്ന് ഡോക്ടര്‍മാരുടെ സംഘടന അറിയിച്ചു.

മെഡിക്കല്‍ കോളജിനെ പണിമുടക്കില്‍നിന്ന് ഒഴിവാക്കിയിട്ടുണ്ട്. നെഞ്ചുവേദനയെ തുടര്‍ന്ന് ഡോക്ടറുടെ വീട്ടിലെത്തിയ രോഗി ചികിത്സ ലഭിക്കാതെ മരിച്ചുവെന്നാരോപിച്ചാണ് ഒരു കൂട്ടമാളുകള്‍ ഡോക്ടറെ കയ്യേറ്റം ചെയ്തത്.