മുക്കം: നഗരസഭ നടപ്പിലാക്കിയ നികുതി വര്‍ധനവിലും നഗരസഭ ഭരണസമിതിയുടെ കെടുകാര്യസ്ഥതയിലും അഴിമതിയിലും പ്രതിഷേധിച്ച് യു.ഡി.എഫ് മുക്കം നഗരസഭാ കമ്മിറ്റി സംഘടിപ്പിച്ച രാപ്പകല്‍ സമരം ഡി.സി.സി ജന. സെക്രട്ടറി നിജേഷ് അരവിന്ദന്‍ ഉദ്ഘാടനം ചെയ്തു.
യു.ഡി.എഫ് ചെയര്‍മാന്‍ ടി.ടി സുലൈമാന്‍ അധ്യക്ഷനായി. ജില്ലാ പഞ്ചായത്തംഗം സി.കെ കാസിം, സി.ജെ ആന്റണി, ഹബീബ് തമ്പി, ബാബു പൈക്കാട്, എ.എം അഹമ്മദ്കുട്ടി ഹാജി, എം.ടി അഷ്‌റഫ്, കെ.ടി മന്‍സൂര്‍, റോയ് കോക്കാപിള്ളില്‍, ബെന്നി ജോസ്, സജീഷ് മുത്തേരി, നിഷാബ് മുല്ലോളി, ദാവൂദ് മുത്താലം സംസാരിച്ചു.
സമാപന സമ്മേളനം ഇന്ന് ഉച്ചക്ക് 12ന് യൂത്ത് ലീഗ് സംസ്ഥാന വൈസ് പ്രസിഡന്റ് നജീബ് കാന്തപുരം ഉദ്ഘാടനം ചെയ്യും.