തലശ്ശേരി: മാപ്പിളപ്പാട്ട് രചയിതാവും പ്രചാരകനുമായിരുന്ന ഒ. ആബുവിന്റെ പേരില്‍ തലശ്ശേരി മാപ്പിള കലാകേന്ദ്രം നല്‍കി വരുന്ന പുരസ്‌കാരത്തിന് പ്രശസ്ത മാപ്പിളപാട്ട് സംഗീത സംവിധായകനും തബലിസ്റ്റുമായ കോഴിക്കോട് അബൂബക്കര്‍ അര്‍ഹനായി. 10,001 രൂപയും ശില്‍പവും അടങ്ങുന അവാര്‍ഡ് മാര്‍ച്ച് അവസാനത്തില്‍ ഒ. ആബു അനുസ്മരണത്തില്‍ സമ്മാനിക്കുമെന്ന് പ്രസിഡന്റ് പ്രൊഫ. എ.പി സുബൈര്‍, ജന. സെക്രട്ടറി പി. ഉസ്മാന്‍ വടക്കുമ്പാട് അറിയിച്ചു. എരഞ്ഞോളി മൂസ, കെ.പി കുഞ്ഞിമൂസ, ബാപ്പു വെള്ളിപറമ്പ്, ടി.കെ.ഡി മുഴപ്പിലങ്ങാട് എന്നിവരടങ്ങിയ കമ്മിറ്റിയാണ് അവാര്‍ഡ് ജേതാവിനെ തിരഞ്ഞെടുത്തത്.