ന്യൂഡല്‍ഹി:  പാമ്പാടി നെഹ്‌റു കോളേജില്‍ മരിച്ച ജിഷ്ണു പ്രണോയിയുടെ അമ്മ മഹിജക്കെതിരെ പൊലിസ് നടത്തിയ നായാട്ടില്‍ പ്രതിഷേധിച്ച് കേരള എം.പിമാര്‍. പാര്‍ലമെന്റിനു മുന്നിലെ ഗാന്ധി പ്രതിമക്കു മുന്നിലായിരുന്നു പ്രതിഷേധം.

പ്രതികളെ അറസ്റ്റു ചെയ്യണമെന്ന ആവശ്യവുമായി കഴിഞ്ഞ ദിവസം ഡി.ജി.പി ഓഫീസിനു മുന്നില്‍ നിരാഹാര സമരമിരിക്കാനെത്തിയ മഹിജക്കും കുടുംബത്തിനനും നേരെ പൊലിസ് അതിക്രൂരമായാണ് പെരുമാറിയത്. മഹിജയെ നിലത്തു കൂടെ വലിച്ചിഴക്കുകയും ബൂട്ടിട്ട് ചവിട്ടുകയും ചെയ്തിരുന്നു. സംഭവത്തില്‍ പ്രതിഷേധിച്ച് കേരളത്തില്‍ യു.ഡി.എഫ് ഹര്‍ത്താല്‍ തുടരുകയാണ്. തിരുവനന്തപുരത്തും കോഴിക്കോട്ടും ബി.ജെ.പിയും ഹര്‍ത്താല്‍ പ്രഖ്യാപിച്ചിട്ടുണ്ട്.