പള്ളുരുത്തി: കുമ്പളങ്ങിയില്‍ വയല്‍ നികത്തുന്നതിനെതിരെ പ്രതിഷേധം ശക്തമാകുന്നു.എസ്.എന്‍.ഡി.പിയ്ക്ക് പടിഞ്ഞാറ് വശത്ത് സ്വകാര്യ റോഡ് ഉണ്ടാക്കുന്നതിന്റെ പേരിലാണ് വയല്‍ നികത്തുന്നത്.കുമ്പളങ്ങി വില്ലേജ് അധികൃതര്‍ സ്റ്റോപ്പ് മെമ്മോ നല്‍കിയിട്ടും നികത്തല്‍ തുടരുകയാണ്.എന്നാല്‍വില്ലേജ് അധികൃതര്‍ നികത്തല്‍ നിര്‍ത്തിവെക്കണമെന്നാവശ്യപ്പെട്ട് രംഗത്ത് വന്നതോടെ വില്ലേജ് ഉദ്യോഗസ്ഥര്‍ക്കെതിരെ പോസ്റ്റര്‍ പ്രചരണം നടക്കുകയാണ്.ഈ നികത്തല്‍ക്കാരുടെ ഒത്താശയില്‍ കുമ്പളങ്ങിയില്‍ മറ്റ് ഇടങ്ങളിലും വയല്‍ നികത്താന്‍ നീക്കം നടക്കുന്നുണ്ട്. എന്നാല്‍ ഇത്തരം വയല്‍ നികത്തലിനെതിരെ ശക്തമായ നടപടി സ്വീകരിക്കണമെന്ന് കെ.എസ്.കെ.ടി.യു കുമ്പളങ്ങി വില്ലേജ് കമ്മിറ്റി ആവശ്യപ്പെട്ടു.