റിയാദ്: സഊദിയില്‍ അന്‍പതിനായിരം തൊഴിലുകള്‍ സ്വദേശിവല്‍ക്കരിക്കാന്‍ കരാര്‍. തൊഴില്‍ സാമൂഹിക വികസന മന്ത്രാലയമാണ് ആസൂത്രണ മന്ത്രാലയവുമായി സഹകരിച്ചു മാനവശേഷി വികസന നിധിയുമായും റെസ്റ്റോറന്റ്‌സ് ആന്റ് കഫെസ് അസോസിയേഷനുമായി ധാരണാ പത്രം ഒപ്പുവച്ചത്. ഇതോടൊപ്പം തൊഴില്‍ പരിശീലനം നല്‍കി മുവ്വായിരം അനാഥകള്‍ക്ക് തൊഴില്‍ നല്‍കുന്നതടക്കമുള്ള ഏതാനും കരാറുകളും ഇരുമന്ത്രാലയങ്ങളും ധാരണയിലെത്തി. ഭക്ഷ്യവസ്തു മേഖലയില്‍ എഴുപതിനായിരം സഊദികളുടെ നൈപുണ്യങ്ങള്‍ പരിപോഷിപ്പിക്കുന്നതിനും പദ്ധതിയുണ്ട്.

തൊഴിലവസരങ്ങള്‍ സഊദിവല്‍ക്കരിക്കുന്നതിന് പിന്തുണ നല്‍കുന്നതിന് ലക്ഷ്യമിട്ട് പങ്കാളിത്തം സ്ഥാപിക്കുന്നതിനുള്ള ശ്രമങ്ങളുടെ തുടര്‍ച്ചയെന്നോണമാണ് പുതിയ ധാരണാപത്രം ഒപ്പുവെച്ചതെന്ന് തൊഴില്‍, സാമൂഹിക വികസന മന്ത്രി എന്‍ജിനീയര്‍ അഹ്മദ് അല്‍റാജ്ഹി പറഞ്ഞു.