മലപ്പുറം: കുട്ടികളുടെ അവകാശ സംരക്ഷണത്തിനും താത്പര്യ സംരക്ഷണത്തിനുമായി ജില്ലയില്‍  നടപ്പാക്കേണ്ട പ്രവര്‍ത്തനങ്ങള്‍ ആവിഷ്‌കരിച്ച് നടപ്പാക്കുന്നതിനായി ജില്ലാ പഞ്ചായത്ത് പ്രസിഡന്റ് ചെയര്‍മാനും ജില്ലാ കലക്ടര്‍ കോ-ചെയര്‍മാനുമായുള്ള ജില്ലാ ചൈല്‍ഡ്  പ്രൊട്ടക്ഷന്‍ കമ്മിറ്റിയുടെ യോഗം 13ന് രാവിലെ 10.30ന് ജില്ലാ പഞ്ചായത്തില്‍  ചേരും. കുട്ടികളുടെ യാത്രാ പ്രശ്‌നങ്ങള്‍, കുട്ടികള്‍ക്കെതിരെയുള്ള ലൈംഗിക അതിക്രമങ്ങള്‍, കുട്ടികളില്‍ കണ്ടുവരുന്ന അമിത ലഹരി ഉപയോഗം, ബാല്യ വിവാഹം,  നിലവിലെ നിയമങ്ങള്‍ക്കെതിരെ പ്രവര്‍ത്തിക്കുന്ന കുട്ടികള്‍ തുടങ്ങിയ വിഷയങ്ങള്‍ ചര്‍ച്ച ചെയ്യും.