ശ്രീനഗര്‍: വിഘടനവാദി നേതാക്കളുടെ വസതികളില്‍ എന്‍.ഐ.എ നടത്തിയ റെയ്ഡില്‍ പ്രതിഷേധിച്ച് പ്രഖ്യാപിച്ച രണ്ടു ദിവസത്തെ ബന്ദില്‍ കശ്മിര്‍ നിശ്ചലമായി.
ഭീകരപ്രവര്‍ത്തനത്തിന് വിദേശത്തുനിന്ന് പണം കൈപ്പറ്റുന്നുവെന്ന് കണ്ടെത്തിയ സാഹചര്യത്തിലാണ് വിഘടനവാദി നേതാക്കളുടെ വസതികളില്‍ റെയ്ഡ് നടത്തിയത്. ഹവാല ഇടപാടുകളിലൂടെയാണ് കശ്മിരിലേക്ക് പണം എത്തുന്നതെന്നാണ് രഹസ്യാന്വേഷണ വിഭാഗം കണ്ടെത്തിയത്.

ബന്ദിനെ തുടര്‍ന്ന് വ്യാപാര സ്ഥാപനങ്ങള്‍ പൂര്‍ണമായും അടഞ്ഞു കിടന്നു. അതേസമയം പെട്രോള്‍ ബങ്കുകള്‍ തുറന്നത് ഉപയോക്താക്കള്‍ക്ക് വലിയ സഹായകമായതായി സംസ്ഥാന ഭരണകൂടം അറിയിച്ചു.