വടകര: ദേശീയപാത വികസനത്തിന്റെ ഭാഗമായി കുടിയൊഴിപ്പിക്കുന്നവരുടെ പ്രശ്‌നങ്ങള്‍ ചര്‍ച്ചയിലൂടെ പരിഹരിക്കാന്‍ മുല്ലപ്പള്ളി രാമചന്ദ്രന്‍ എം.പിയും, സി.കെ നാണു എം.എല്‍.എയും അടക്കമുള്ള ജനപ്രതിനിധികള്‍ ഇടപെടണമെന്ന് കര്‍മസമിതി അഴിയൂര്‍ ഗ്രാമപഞ്ചായത്ത് പ്രവര്‍ത്തക കണ്‍വന്‍ഷന്‍ ആവശ്യപെട്ടു.
ഇക്കാര്യത്തില്‍ ജനപ്രതിനിധികളുടെ മൗനം വേദനാജനകമാണെന്ന് യോഗം കുറ്റപ്പെടുത്തി. കര്‍മസമിതി ജില്ലാ കണ്‍വീനര്‍ എ.ടി മഹേഷ് യോഗം ഉദ്ഘാടനം ചെയ്തു. മുന്‍ അഴിയൂര്‍ ഗ്രാമപഞ്ചായത്ത് പ്രസിഡന്റ് പി. നാണു അധ്യക്ഷനായി. കെ. അന്‍വര്‍ ഹാജി, പി. രാഘവന്‍, പ്രദീപ് ചോമ്പാല, പി.കെ കുഞ്ഞിരാമന്‍, പി.കെ നാണു, കെ. കുഞ്ഞിരാമന്‍, മൊയ്തു അഴിയൂര്‍, പി. സുരേഷ്, പി. ബാബുരാജ് സംസാരിച്ചു.