സ്‌റ്റോക്ക്‌ഹോം: കൊവിഡ് പ്രതിരോധ പ്രവര്‍ത്തനങ്ങള്‍ക്കായി ഐക്യരാഷ്ട്രസഭയ്ക്ക് ഒരു ലക്ഷം ഡോളര്‍ സംഭാവന നല്‍കി സ്വീഡിഷ് കാലാവസ്ഥാ പ്രവര്‍ത്തക ഗ്രേറ്റ തുന്‍ബെര്‍ഗ്.
ഡാനിഷ് ഫൗണ്ടേഷനില്‍നിന്നു ലഭിച്ച സമ്മാനത്തുകയാണ് ഇവര്‍ ഐക്യരാഷ്ട്രസഭയുടെ ചില്‍ഡ്രന്‍സ് ഫണ്ടിലേക്കു നല്‍കിയത്. പതിനേഴുകാരിയായ തുന്‍ബെര്‍ഗ് സംഭാവന നല്‍കിയതായി ഐക്യരാഷ്ട്രസഭ തന്നെയാണ് വ്യക്തമാക്കിയത്. കൊവിഡ് കുട്ടികള്‍ക്കൂകൂടി ഭീഷണിയാണെന്ന് അവര്‍ പറഞ്ഞതായും കുട്ടികളുടെ ആരോഗ്യവും വിദ്യാഭ്യാസവും ലക്ഷ്യമാക്കിയാണ് ഈ തുക നല്‍കിയതെന്നും അവര്‍ കൂട്ടിച്ചേര്‍ത്തു.