റിയാദ്: ലോകത്തിന്റെ വിവിധ ഭാഗങ്ങളിൽനിന്നും മടങ്ങിവരാനാഗ്രഹിക്കുന്ന മാഹിയുൾപ്പെടുന്ന പുതുച്ചേരിയിലെ പ്രവാസികൾക്ക് ഓൺലൈൻ രജിസ്‌ട്രേഷൻ ഏർപ്പെടുത്തിയ പുതുച്ചേരി മുഖ്യമന്ത്രിയുടെ നടപടി സ്വാഗതാർഹമെന്ന് ഐ ഒ സി മിഡിൽ ഈസ്റ്റ്‌ കൺവീനർ മൻസൂർ പള്ളൂർ പറഞ്ഞു. ജോലി നഷ്ടപ്പെട്ട് തിരിച്ചുവരുന്നവർക്ക് പുനരധിവാസ പാക്കേജ് ആസൂത്രണം ചെയ്യാൻ സർക്കാർ തയ്യാറാവണമെന്നും അദ്ദേഹം ആവശ്യപ്പെട്ടു. ലോകമെമ്പാടും ജോലി ചെയ്യുന്ന പുതുച്ചേരി സംസ്ഥാനത്ത് നിന്നുള്ള ഇന്ത്യക്കാരുടെ പ്രശ്നങ്ങളിൽ ഇടപെടാനും അവരുടെ നിക്ഷേപ പദ്ധതികൾ ആസൂത്രണം ചെയ്യാനുമൊക്കെ ഒരു പ്രവാസി കാര്യാലയം നിലവിലുള്ള വകുപ്പുമായി ചേർത്ത് കൊണ്ടാണെങ്കിലും രൂപീകരിക്കാൻ സർക്കാർ നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.

    ഇന്ത്യയിലെ മറ്റ് സംസ്ഥാനങ്ങളിൽനിന്നും അത് പോലെ വിദേശത്തുനിന്നും തിരിച്ചു വരാൻ ആഗ്രഹിക്കുന്ന പുതുച്ചേരി, മാഹി, കാരിക്കൽ, യാനം നിവാസികൾക്ക് പുതുച്ചേരി സർക്കാർ ഏർപ്പെടുത്തിയ https://welcomeback.py.gov.in എന്ന ഓൺലൈൻ പോർട്ടറിൽ രജിസ്റ്റർ ചെയ്യാവുന്നതാണ്.