തിരുവനന്തപുരം: ഓഫിസ് അറ്റന്‍ഡര്‍മാരുടെ 895 ഒഴിവുകള്‍ പി.എസ്.സിക്ക് റിപ്പോര്‍ട്ട് ചെയ്തു. ഓഫിസ് അറ്റന്‍ഡര്‍ റാങ്ക് പട്ടികയുടെ കാലാവധി ജൂണ്‍ 18 ന് അവസാനിക്കാനിരിക്കേയാണ് സര്‍ക്കാര്‍ നീക്കം. ഇതോടെ നിലവിലെ റാങ്ക് പട്ടികയില്‍ ഉള്‍പ്പെട്ട 895 പേര്‍ക്ക് നിയമനം ഉറപ്പായി. ഉദ്യോഗാര്‍ഥികള്‍ മുഖ്യമന്ത്രിക്ക് നല്‍കിയ നിവേദനത്തിന്റെ അടിസ്ഥാനത്തിലാണ് ഉദ്യോഗസ്ഥ ഭരണ പരിഷ്‌കാര വകുപ്പിലെ 29 ഉദ്യോഗസ്ഥര്‍ ആറ് ടീമുകളായി തിരിഞ്ഞ് മുഴുവന്‍ ജില്ലകളിലും പരിശോധന നടത്തിയത്. ഓരോ ജില്ലയിലും പുതുതായി റിപ്പോര്‍ട്ട് ചെയ്ത ഒഴിവുകളുടെ എണ്ണം: തിരുവനന്തപുരം (114), കൊല്ലം (75), പത്തനംതിട്ട (47) ആലപ്പുഴ (37) കോട്ടയം (32), ഇടുക്കി (37), എറണാകുളം (69), തൃശ്ശൂര്‍ (34), പാലക്കാട് (57), മലപ്പുറം (42), കോഴിക്കോട് (57), വയനാട് (23), കണ്ണൂര്‍ (58), കാസര്‍കോട് (36), ഹെഡ് ഓഫിസുകള്‍ (177).