കണ്ണൂര്‍: പണം നിക്ഷേപിക്കുന്നതിനും പിന്‍വലിക്കുന്നതിനുമെല്ലാം ഭീമമായ സര്‍വിസ് നിരക്ക് ഏര്‍പ്പെടുത്തി ഇടപാടുകാരെ കൊള്ളയടിക്കുന്ന സ്റ്റേറ്റ് ബാങ്ക് ഓഫ് ഇന്ത്യയുടെ നടപടിക്കെതിരെ ജില്ലയിലെ വിവിധ കേന്ദ്രങ്ങളില്‍ എസ്.ബി.ഐ ശാഖകളിലേക്ക് എ.ഐ.വൈ.എഫ് പ്രവര്‍ത്തകര്‍ പ്രതിഷേധ മാര്‍ച്ച് നടത്തി. കണ്ണൂരില്‍ എസ്.ബി.ഐ മുഖ്യശാഖയ്ക്കു മുന്നില്‍ നടന്ന പ്രതിഷേധം ജില്ലാ വൈസ് പ്രസിഡന്റ് കെ.വി സാഗര്‍ ഉദ്ഘാടനം ചെയ്തു. പി.പി സലീം അധ്യക്ഷനായി. കെ.വി പ്രശോഭ്, സി.കെ അബ്ദുല്‍ഷുക്കൂര്‍ സംസാരിച്ചു.