കോഴിക്കോട്: രാജ്യത്തിന്റെ മതേതര പാരമ്പര്യത്തെ തച്ചുടച്ചും ജനങ്ങളെ പരസ്പരം ഭിന്നിപ്പിച്ചും ഭരണം നിലനിര്‍ത്തുന്ന സംഘ്പരിവാറും ഇവര്‍ക്ക് കുടപിടിക്കുന്ന കോാണ്‍ഗ്രസും ഇടതുപക്ഷത്തെ ദുര്‍ബലപ്പെടുത്താനാണ് ശ്രമിക്കുന്നതെന്ന് ഐ.എന്‍.എല്‍ ദേശീയ പ്രസിഡന്റ് പ്രൊഫ. മുഹമ്മദ് സുലൈമാന്‍ പറഞ്ഞു. ഐ.എന്‍.എല്‍ ജില്ലാ പ്രതിനിധി സമ്മേളനം നളന്ദ ഓഡിറ്റോറിയത്തില്‍ ഉദ്ഘാടനം ചെയത് സംസാരിക്കുകയായിരുന്നു അദ്ദേഹം. ബഷീര്‍ ബസേരി അധ്യക്ഷനായി. എസ്.എ പുതിയവളപ്പില്‍, എപി അബ്ദുല്‍ വഹാബ്, മുഹമ്മദ് മാസ്റ്റര്‍, എ.പി മുസ്ഥഫ, ആദം യൂസഫ്, ആലിക്കുട്ടി മാസ്റ്റര്‍, ഹംസ മുക്കോലക്കല്‍, കെ.കലാം, ഉമ്മര്‍ കപ്പക്കല്‍ സംസാരിച്ചു.