മാണ്ഡി: ഹിമാചല്‍ പ്രദേശില്‍ മലയാളികള്‍ സഞ്ചരിച്ച ബസ് കൊക്കയിലേക്ക് മറിഞ്ഞ് 16 പേര്‍ക്ക് പരുക്ക്. ഇതില്‍ ആറു പേരുടെ നില ഗുരുതരമാണ്.

മാണ്ഡിയില്‍ മലയാളി ടൂറിസ്റ്റുകള്‍ സഞ്ചരിച്ച മിനി ബസ് തലകീഴായി മറിയുകയായിരുന്നു. പത്തു പേരുടെ പരുക്ക്  ഗുരുതരമല്ലെന്നാണ് വിവരം.  ഇവരെ അടുത്തുള്ള ആശുപത്രിയില്‍ പ്രവേശിപ്പിച്ചു. കനത്ത മൂടല്‍ മഞ്ഞും മഞ്ഞു വീഴ്ചയും അപകട കാരണമായെന്നാണ് റിപ്പോര്‍ട്ട്.