വള്ളിക്കുന്ന്: പഞ്ചായത്തില്‍ രണ്ടര വര്‍ഷത്തിന് ശേഷം വൈസ് പ്രസിഡന്റ് സ്ഥാനം കോണ്‍ഗ്രസിന്. കഴിഞ്ഞ തദ്ദേശതെരഞ്ഞെടുപ്പിന് ശേഷമുണ്ടായ തീരുമാനത്തിന്റെ അടിസ്ഥാനത്തിലാണ് വൈസ് പ്രസിഡന്റ് സ്ഥാനം കോണ്‍ഗ്രസിന് നല്‍കിയത്.
രണ്ടര വര്‍ഷം ലീഗിലെ കെ.എം ഹൈറുന്നിസയായിരുന്നു വൈസ് പ്രസിഡന്റ്. മുന്‍ധാരണ പ്രകാരം ഹൈറുന്നിസ രാജിവയ്ക്കുകയായിരുന്നു. തുടര്‍ന്നാണ് കോണ്‍ഗ്രസിലെ കെ. ബിന്ദു വൈസ് പ്രസിഡന്റായി തെരഞ്ഞെടുക്കപ്പെട്ടത്.
പത്തിനെതിരെ പതിനൊന്ന് വോട്ടുകള്‍ക്ക് എല്‍.ഡി.എഫിലെ ശൈമലതയെ തോല്‍പ്പിച്ചാണ് ബിന്ദു വൈസ് പ്രസിഡന്റായത്. രണ്ട് വോട്ടുള്ള ബി.ജെ.പി വോട്ട് അസാധുവാക്കുകയായിരുന്നു.