അമ്പലപ്പുഴ: അമിതഭാരം കയറ്റി വന്ന തടിലോറികള്‍ പൊലിസ് പിടികൂടി. ജില്ലാ പൊലിസ് മേധാവിയുടെ നിര്‍ദ്ദേശ പ്രകാരം അമ്പലപ്പുഴ എസ്.ഐ പ്രജീഷ്‌കുമാറിന്റെ നേതൃത്വത്തിലുള്ള പോലീസ് സംഘമാണ് തടി ലോറികള്‍ പിടികൂടിയത്.
തിരുവനന്തപുരം, കൊല്ലം ഭാഗങ്ങളില്‍നിന്നും പെരുമ്പാവൂരിലേക്ക് പോയ തടി ലോറികളാണ് കഴിഞ്ഞദിവസം രാത്രിയില്‍ പൊലിസ് പിടികൂടിയത്. അമിതഭാരം കയറ്റി വരുന്ന തടി ലോറി കള്‍ പതിവായി അപകമുണ്ടാക്കുന്ന സാഹചര്യത്തിലായിരുന്നു നടപടി. കഴിഞ്ഞ രണ്ടാഴ്ചയ്ക്കുള്ളില്‍  കരുവാറ്റ, കായകുളം ഭാഗങ്ങളില്‍ രണ്ട് തടി ലോറികളാണ് നിയന്ത്രണം തെറ്റി മറിഞ്ഞത്. പിഴ ഈടാക്കിയശേഷം ലോറികള്‍ വിട്ടയച്ചതായി പൊലിസ് പറഞ്ഞു.