ആലപ്പുഴ: ഡി.വൈ.എഫ്.ഐ പ്രവര്‍ത്തകന്‍ മുഹ്‌സീന്‍ ആലശേരി ക്ഷേത്രോത്സവത്തിനിടയില്‍ കൊല്ലപ്പെട്ട സംഭവത്തില്‍ സി.പി.എം നടത്തുന്ന ഇടപെടല്‍ തിരിച്ചറിയണമെന്ന് പോപ്പുലര്‍ഫ്രണ്ട് ജില്ലാ പ്രസിഡന്റ് നവാസ് നൈന പറഞ്ഞു.
സി.പി.എം നേതാവിന്റെ ബന്ധു കേസിലെ പ്രധാന പ്രതിയായിരിക്കെ ദൃക്‌സാക്ഷികളുടെ മൊഴി രേഖപ്പെടുത്താന്‍ പോലീസ് ഇനിയും തയാറായിട്ടില്ല.
വയലാറില്‍ ആര്‍.എസ്.എസ് പ്രവര്‍ത്തന്‍ കൊല്ലപ്പെട്ടപ്പോള്‍ ഹര്‍ത്താലിന് ആഹ്വാനം ചെയ്ത സി.പി.എം മൊഹ്‌സീന്‍ വധത്തില്‍ അത്ര ശുഷ്‌കാന്തി കാട്ടിയില്ല. ഈ ഇരട്ടത്താപ്പ് ജനങ്ങള്‍ തിരിച്ചറിയണം. നേതാക്കളായ സി.എ റൗഫ്, എ സുധീര്‍ പുന്നപ്ര, എ. നസീര്‍ തുടങ്ങിയവര്‍ മൊഹ്‌സിന്റെ വീട് സന്ദര്‍ശിച്ചു.