മട്ടന്നൂര്‍: തലശേരി വളവുപാറ പാതയില്‍ യാത്രക്കാര്‍ക്ക് ബസ് കാത്തിരിക്കാന്‍ ഒരിടമില്ലാതാകുന്നു. മട്ടന്നൂര്‍-ഇരിട്ടി വരെയുള്ള 20 ഓളം ബസ് ഷെല്‍ട്ടറുകളാണ് റോഡുപണി നടത്താന്‍ പൊളിച്ചു മാറ്റിയത്. സ്‌കൂള്‍ തുറന്നതോടെ കുട്ടികള്‍ക്കും മറ്റും യാത്ര ദുഷ്‌കരമായിരിക്കുകയാണ്.
കെ.എസ്.ടി.പിയുടെ റോഡുപണി ആരംഭിച്ചതു മുതല്‍ ഈ മേഖലയിലെ ബസ് കാത്തിരിപ്പു കേന്ദ്രവും തണല്‍ മരങ്ങളും മുറിക്കുകയായിരുന്നു. ഇതോടെ യാത്രക്കാര്‍ക്കു കയറിയിരിക്കാന്‍ സ്ഥലമില്ലാത്ത അവസ്ഥയാണ്. മഴക്കാലം ആരംഭിച്ചതോടെ കടവരാന്തയിലും മറ്റും കയറി വന്‍ദുരിതത്തിലാണ് വിദ്യാര്‍ഥികളുള്‍പ്പെടെയുള്ള യാത്രക്കാര്‍. സന്നദ്ധ സംഘടനകളും മറ്റും ചേര്‍ന്നു യാത്രകാര്‍ക്ക് ആവശ്യമായ സൗകര്യമൊരുക്കുമെന്ന പ്രതീക്ഷയിലാണ് യാത്രക്കാര്‍.