ബെയ്ജിങ്: കൊറോണ വൈറസിന്റെ ഉറവിടം കണ്ടെത്താനുള്ള ലോകാരോഗ്യ സംഘടനയുടെയും മറ്റു വിദഗ്ധരുടെയും ശ്രമങ്ങള്‍ക്കു പിന്തുണ നല്‍കുമെന്ന് ചൈന. എന്നാല്‍, വിഷയത്തെ രാഷ്ട്രീയവല്‍ക്കരിക്കുന്ന അമേരിക്കയടക്കമുള്ളവരെ എതിര്‍ക്കുമെന്നും ചൈനീസ് വിദേശകാര്യ മന്ത്രാലയ വക്താവ് ഹുവാ ച്യുയിങ് പറഞ്ഞു.
കൊറോണയെ ഭീകരാക്രമണങ്ങളോട് ഉപമിച്ചുള്ള അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ പ്രസ്താവനയോട് പ്രതികരിക്കവേയായിരുന്നു ചൈനീസ് വിദേശകാര്യ മന്ത്രാലയത്തിന്റെ ഈ പ്രസ്താവന.
നേരത്തെ, അമേരിക്കന്‍ സ്റ്റേറ്റ് സെക്രട്ടറി മൈക് പോംപിയോയുടെ പ്രസ്താവനയ്‌ക്കെതിരേയും ചൈന രംഗത്തെത്തിയിരുന്നു.