അടിമാലി: ഡ്യുട്ടി കഴിഞ്ഞ് വീട്ടിലേക്ക് മടങ്ങുകയായിരുന്ന കെ.എസ്.ആര്‍.ട.സി കണ്ടക്ടര്‍ എസ് സുമേഷ് ബാബുവിനെ ആക്രമിച്ച് കൊലപ്പെടുത്താന്‍ ശ്രമിച്ചവരെ അറസ്റ്റ് ചെയ്യണമെന്ന് കെ.എസ്.ആര്‍ ടി.സി മൂന്നാര്‍ യൂനിറ്റ് സംയുക്ത സമരസമിതി ആവശ്യപ്പെട്ടു.ഇല്ലെങ്കില്‍ ജീവനക്കാര്‍ പ്രക്ഷോഭ സമരം ആരംഭിക്കുമെന്ന് സംയുക്ത സമരസമിതി ഭാരവാഹികളായ എം.പി സുരേഷ്, ബിജുമോന്‍, ബാബുലാല്‍ എന്നിവര്‍ അറിയിച്ചു. അടിമാലി പ്രൈവറ്റ് ബസ് സ്റ്റാന്റില്‍വെച്ചാണ് ജീവനക്കാരന്‍ ആക്രമിക്കപ്പെട്ടത്. നടപടി ഉണ്ടായില്ലെങ്കില്‍ ബസുകള്‍ നിരത്തിലിറക്കാതെ അനിശ്ചിതകാല സമരത്തിന് ജീവനക്കാര്‍ രംഗത്ത് വരുമെന്ന് സമരസമിത ഭാരവാഹികള്‍ അറിയിച്ചു.