തിരുവനന്തപുരം: ഇതര സംസ്ഥാനങ്ങളില്‍ നിന്ന് കേരളത്തിലേക്ക് വരുന്നവര്‍ക്കുള്ള പാസ് വിതരണം പുനരാരംഭിച്ചു. റെഡ് സോണ്‍ ഒഴികെയുള്ള മേഖലകളില്‍ നിന്ന് വരുന്നവര്‍ക്കാണ് ഇപ്പോള്‍ പാസ് അനുവദിക്കുന്നത്.

പാസ് ഇല്ലാത്തതിനാല്‍ നിരവധി പേരാണ് സംസ്ഥാന അതിര്‍ത്തികളില്‍ കുടുങ്ങിക്കിടക്കുന്നത്.കാസര്‍കോട് ജില്ലയിലെ തലപ്പാടിയിലും പാലക്കാട്ടെ വാളയാറിലും അന്യസംസ്ഥാനങ്ങളില്‍ നിന്ന് നിരവധി പേരെത്തി കുടുങ്ങിയിരിക്കുകയാണ്.

ചെക്ക്പോസ്റ്റുകളില്‍ തിരക്ക് വര്‍ധിച്ചതിനെ തുടര്‍ന്ന് പാസ് നല്‍കുന്നത് താത്കലികാമായി നിര്‍ത്തിവെച്ചിരുന്നു.പാസ് വിതരണം പൂര്‍ണ്ണമായും നിര്‍ത്തിയതല്ല. ഒരു ക്രമീകരണം ലഭിക്കുന്നതിന് വേണ്ടായാണ് താത്കാലികമായി നിര്‍ത്തിവെച്ചതെന്നും പുനരാരംഭിക്കുമെന്നും കഴിഞ്ഞ ദിവസം മുഖ്യമന്ത്രി പറഞ്ഞിരുന്നു.

അതിര്‍ത്തികളില്‍ മലയാളികള്‍ കുടുങ്ങികിടക്കുന്നതില്‍ രൂക്ഷവിമര്‍ശനവുമായി കോണ്‍ഗ്രസ് രംഗത്തെത്തിയിട്ടുണ്ട്. സര്‍ക്കാര്‍ വാഹനസൗകര്യം ഏര്‍പ്പാടാക്കുന്നില്ല എന്ന് ചൂണ്ടിക്കാട്ടിയാണ് വിമര്‍ശനം.