മാങ്കടവ്: പൊതുവിദ്യാഭ്യാസരംഗവും സ്ഥാപനങ്ങളും ഉന്നതിയിലെത്തിക്കുന്നതിന് സര്‍ക്കാരും ജനങ്ങളും ശ്രമിക്കുമ്പോള്‍ ഉദ്യോഗസ്ഥരുടെ അനാസ്ഥയും അശ്രദ്ധയും തടസം നില്‍ക്കുന്ന പ്രവണത തിരുത്തപ്പെടണമെന്ന് കെ.എം ഷാജി എം.എല്‍.എ. മാങ്കടവ് ജി.എം.എല്‍.പി സ്‌കൂളിന്റെ 107ാം വാര്‍ഷികവും പൂര്‍വ വിദ്യാര്‍ഥികള്‍ നിര്‍മിച്ച കമാനത്തിന്റെ ഉദ്ഘാടനവും നിര്‍വഹിച്ചു സംസാരിക്കുകയായിരുന്നു അദ്ദേഹം. പാപ്പിനിശ്ശേരി പഞ്ചായത്ത് പ്രസിഡന്റ് കെ.നാരായണന്‍ അധ്യക്ഷനായി. വിദ്യാഭ്യാസ ഓഫിസര്‍ ഹെലന്‍ ഹൈസത്ത് സപ്ലിമെന്റ് പ്രകാശനം ചെയ്തു.
സംസ്ഥാനത്തെ മികച്ച പഞ്ചായത്തിനുള്ള പുരസ്‌കാരം നേടിയ പാപ്പിനിശ്ശേരി പഞ്ചായത്തിന് സ്‌കൂള്‍ അധികൃതരും നാട്ടുകാരും ചേര്‍ന്ന് നല്‍കുന്ന പുരസ്‌കാരം കെ.എം ഷാജി എം.എല്‍.എ കൈമാറി.കോട്ടൂര്‍ ഉത്തമന്‍,സി.എച്ച് സലീന, കെ.പി റഷീദ്, എം.സി ദിനേശന്‍, വി. അബ്ദുള്‍ കരീം, എന്‍.കെ മുസ്തഫ, സി.കെ ഇബ്രാഹിം, എ.എ ഷമീം, കെ. വാസന്തി സംസാരിച്ചു.