ബെയ്ജിങ്: ചൈന നേപ്പാളിലേക്ക് റെയില്‍പാത നിര്‍മിക്കുന്നതായി റിപ്പോര്‍ട്ട്. ടിബറ്റിന്റെ പടിഞ്ഞാറന്‍ ഭാഗത്തിലൂടെ നേപ്പാളിലേക്കുള്ള പാതയാണ് നിര്‍മിക്കാനൊരുങ്ങുന്നതെന്ന് ചൈനീസ് മാധ്യമമായ ദി ചൈന ഡയ്‌ലി റിപ്പോര്‍ട്ട് ചെയ്തു. 

നിലവില്‍ ചൈന സന്ദര്‍ശിക്കുന്ന നേപ്പാള്‍ പ്രധാനമന്ത്രി ഖഡ്ഗ പ്രസാദ് ശര്‍മ നടത്തിയ നയതന്ത്രകൂടിക്കാഴ്ചയിലാണ് ഇക്കാര്യം തീരുമാനിച്ചത്. ടിബറ്റന്‍ നഗരമായ സിഗാസില്‍ നിന്ന് നേപ്പാള്‍ തലസ്ഥാനമായ കാഠ്മണ്ഡുവിലേക്കും പാതയൊരുക്കും.
സാങ്കേതിക വിദ്യ, ഗതാഗതം, രാഷ്ട്രീയ സഹകരണം ഉള്‍പ്പെടെ പത്തോളം കരാറുകളില്‍ നേപ്പാള്‍ പ്രധാനമന്ത്രി ചൈനീസ് അധികൃതരുമായി ഒപ്പുവച്ചു.