തൃശൂര്‍ : 'എനിക്ക് പഠിക്കണം, എന്റെ സ്‌കൂള്‍ ഹൈസ്‌കൂള്‍ ആക്കണം' എന്ന ആവശ്യമുന്നയിച്ച് കോഴിക്കോട്‌നിന്ന് തിരുവനന്തപുരത്തേക്ക് വീല്‍ചെയറില്‍ സഹനയാത്ര നടത്തുന്ന 13കാരന്‍ ആസിമിന് കെ.എ.ടി.എഫ് ജില്ലാ കമ്മിറ്റി സ്വീകരണം നല്‍കി.
ജില്ലാ ജനറല്‍ സെക്രട്ടറി എം.എ സാദിഖ് അധ്യക്ഷനായി. ലീഗ് ജില്ലാ പ്രസിഡന്റ് സി.എ മുഹമ്മദ് റഷീദ് ഉദ്ഘാടനം ചെയ്തു. ജില്ലാ പ്രസിഡന്റ് മുഹ്‌സിന്‍ പൊന്നാട അണിയിച്ചു. എം.കെ സഫിയ ടീച്ചര്‍, ഇ.കെ സക്കീന ടീച്ചര്‍ ഉപഹാര സമര്‍പ്പണം നടത്തി. കെ.എ അബ്ദുല്‍ ഹസീബ് മദനി, എം.കെ സലാഹുദ്ധീന്‍, പി.എ ജമാലുദ്ധീന്‍ എന്നിവര്‍ സംസാരിച്ചു.