തളിപ്പറമ്പ്: സീതി സാഹിബ് ഹയര്‍ സെക്കന്‍ഡറി സ്‌കൂളില്‍ ഉന്നത വിദ്യാഭ്യാസത്തിനുളള പരിശീലനം ആരംഭിക്കുന്നു. നര്‍ച്ചര്‍ ഓഫ് യൂനിക്ക് ടാലന്റ് എന്ന പേരില്‍ തളിപ്പറമ്പിലും പരിസര പ്രദേശങ്ങളിലുമുള്ള 5,6,7 ക്ലാസുകളിലെ കുട്ടികള്‍ക്കായാണ് പരിശീലനം. മൂന്നു വര്‍ഷം മുന്‍പ് ആരംഭിച്ച പ്രോമിസ് പദ്ധതിയുടെ രണ്ടാം ഘട്ടമായാണ് നര്‍ച്ചര്‍ ഓഫ് യൂനിക്ക് ടാലന്‍ഡ്(നട്ട്) നടപ്പാക്കുന്നത്. അഞ്ചാംതരം മുതല്‍ തന്നെ കുട്ടികള്‍ക്ക് ഉന്നത വിദ്യാഭ്യാസത്തിനുള്ള പരിശീലനം നല്‍കുക എന്നതാണ് ലക്ഷ്യം. അപേക്ഷകള്‍ നല്‍കേണ്ട അവസാന തിയതി ഏപ്രില്‍ 20. ഈ വര്‍ഷം 5,6,7 ക്ലാസുകള്‍ പൂര്‍ത്തിയാക്കിയ കുട്ടികള്‍ക്കാണ് അവസരം. ഫോണ്‍ 8907881665, 9747395571. വാര്‍ത്താസമ്മേളനത്തില്‍ പി.കെ സുബൈര്‍, പി.വി ഫസലുള്ള, സക്കീര്‍ ഹുസൈന്‍, വി.കെ അമാനത്ത്, മുഹമ്മദ് നിസാര്‍ പങ്കെടുത്തു.