തിരുവനന്തപുരം: കൊവിഡ്-19 മഹാവ്യാധിക്കെതിരായ പോരാട്ടത്തിന്റെ ഭാഗമായി ആരോഗ്യപ്രവര്‍ത്തകര്‍ക്കു വേണ്ടി ഫിയറ്റ് ക്രിസ്ലര്‍ ഓട്ടോമൊബൈല്‍സ് (എഫ്.സി.എ) ഫേസ് മാസ്‌കിന്റെ ഉല്‍പാദനം മൂന്നിരട്ടിയായി വര്‍ധിപ്പിച്ചു.  എഫ്.സി.എ  രണ്ടു ലക്ഷം മാസ്‌കുകള്‍ ഇന്ത്യയില്‍ ഐ.സി.എം.ആറിനു കൈമാറി. 

ചൈനയിലെ കോമു ഉല്‍പാദന കേന്ദ്രത്തില്‍ നിന്ന് പത്തു ലക്ഷത്തിലധികം ഫെയ്‌സ് മാസ്‌കുകള്‍ ഓരോ മാസവും നിര്‍മിക്കും. ഏപ്രിലില്‍ ഉല്‍പാദനം ആരംഭിച്ചതിനു പിന്നാലെ രണ്ടു ലൈനുകളിലായി ഓരോ മാസവും മൂന്നു ദശലക്ഷം മാസ്‌കുകള്‍ നിര്‍മിക്കുക എന്ന ലക്ഷ്യത്തോടെയാണ് ശേഷി വര്‍ധിപ്പിച്ചത്. ഇതില്‍ ആദ്യ പത്തു ദിവസത്തിനുള്ളില്‍ പത്തു ലക്ഷത്തിലധികം മാസ്‌കുകളാണ് നിര്‍മിച്ചത്. ചൈനയിലേക്കും അമേരിക്കയിലേക്കുമുള്ള വിതരണം ഉടന്‍ ആരംഭിക്കും. തുടര്‍ന്ന് ഇന്‍ഡോനേഷ്യ, ഫിലിപ്പൈന്‍സ്, ഓസ്‌ട്രേലിയ എന്നീ രാജ്യങ്ങളിലും വിതരണം ചെയ്യും.