മട്ടാഞ്ചേരി: ലോക്ക്ഡൗണിനെ തുടര്‍ന്ന് ലക്ഷദ്വീപില്‍ കുടുങ്ങിയവരുടെ രണ്ടാം ഘട്ട സംഘം രണ്ടു കപ്പലുകളിലായി കൊച്ചി തുറമുഖത്തെത്തി.  

144 യാത്രക്കാരുമായി എം.വി ക്വാറല്‍, എം.വി മിനിക്കോയ് എന്നീ കപ്പലുകളാണ് ഇന്നലെ രാവിലെ എട്ടരയോടെ കൊച്ചി തുറമുഖത്തെ ബി.ടി.പി ബര്‍ത്തില്‍ അടുത്തത്. എം.വി ക്വാറലില്‍ 110 പേരും എം.വി മിനിക്കോയില്‍ 34 യാത്രക്കാരുമാണുണ്ടായത്.

210 യാത്രക്കാരെയാണ് ഷെഡ്യൂള്‍ ചെയ്‌തെങ്കിലും അവസാന നിമിഷം യാത്രക്കാരുടെ എണ്ണം കുറയ്ക്കുകയായിരുന്നു.

129 യാത്രക്കാരുമായി കഴിഞ്ഞ ഞായറാഴ്ച എം.വി അറേബ്യന്‍ സീയും എം.വി കവരത്തിയും കൊച്ചിയിലെത്തിയിരുന്നു. 

മിനിക്കോയില്‍നിന്ന് അമ്പതോളം യാത്രക്കാരുമായി എം.വി അറേബ്യന്‍ സീ ഇന്നും എം.വി ലക്ഷദ്വീപ് സീയും എം.വി കവരത്തിയും ശനിയാഴ്ച 270 യാത്രക്കാരുമായും എത്തുമെന്നാണ് അറിയുന്നത്.