കൊച്ചി: വിദ്യാര്‍ഥിയുടെ ആത്മഹത്യാശ്രമത്തെത്തുടര്‍ന്ന് പൊലിസ് രജിസ്റ്റര്‍ ചെയ്ത കേസില്‍ മുന്‍കൂര്‍ ജാമ്യം തേടി വെള്ളാപ്പള്ളി എന്‍ജിനീയറിങ് കോളജ് പ്രിന്‍സിപ്പല്‍ ഗണേഷ്, കോളജ് നടത്തുന്ന ഗുരുദേവ ചാരിറ്റബിള്‍ ട്രസ്റ്റിന്റെ ജനറല്‍ സെക്രട്ടറി സുഭാഷ് വാസു എന്നിവര്‍ നല്‍കിയ ഹരജി ഹൈക്കോടതി ഇന്നു പരിഗണിക്കും.
രണ്ടാം വര്‍ഷ മെക്കാനിക്കല്‍ വിദ്യാര്‍ഥി ആര്‍ഷ് രാജ് ആത്മഹത്യയ്ക്കു ശ്രമിച്ചതിനെത്തുടര്‍ന്ന് കോളജ് അധികൃതര്‍ക്കെതിരേ ആത്മഹത്യാ പ്രേരണക്കുറ്റം ചുമത്തിയാണ് വള്ളികുന്നം പൊലിസ് കേസെടുത്തത്. എന്നാല്‍ രാഷ്ട്രീയ സമ്മര്‍ദത്തെ തുടര്‍ന്നാണ് തങ്ങള്‍ക്കെതിരേ പൊലിസ് കേസ് രജിസ്റ്റര്‍ ചെയ്തതെന്ന് ഹരജിക്കാര്‍ ആരോപിക്കുന്നു.