ബംഗളൂരുവില്‍ നിന്നെത്തിയ യുവാക്കളെ പൊലിസ് സ്‌റ്റേഷന് മുന്നില്‍ ഇറക്കിവിട്ടു

backup

May 16 2020 | 03:05 AM

%e0%b4%ac%e0%b4%82%e0%b4%97%e0%b4%b3%e0%b5%82%e0%b4%b0%e0%b5%81%e0%b4%b5%e0%b4%bf%e0%b4%b2%e0%b5%8d%e2%80%8d-%e0%b4%a8%e0%b4%bf%e0%b4%a8%e0%b5%8d%e0%b4%a8%e0%b5%86%e0%b4%a4%e0%b5%8d%e0%b4%a4%e0%b4%bf

കോട്ടയം: ബാംഗ്ലൂരില്‍ നിന്നെത്തിയ യുവാക്കളെ ബസില്‍ നിന്ന് പൊലിസ് സ്‌റ്റേഷന് മുന്നില്‍ ഇറക്കിവിട്ടു. സഹായം തേടിയെത്തിയ യുവാക്കള്‍ക്കെതിരേ കൊവിഡ് പ്രതിരോധ നിര്‍ദേശങ്ങള്‍ ലംഘിച്ച് കോട്ടയം നഗരത്തില്‍ സഞ്ചരിച്ചെന്ന പേരില്‍ കേസെടുക്കാന്‍ തീരുമാനം. ഇവരെ കൊണ്ടു വന്ന ബസ് ഡ്രൈവര്‍ക്കുമെതിരേ കേസെടുക്കും. കുമളി ചെക്കുപോസ്റ്റില്‍ നിന്നും ടൂറിസ്റ്റ് ബസില്‍ എത്തിയ അടൂര്‍ സ്വദേശി വിനോദ് (33), നെടുമുടി പൊങ്ങ സ്വദേശി ജീവന്‍(20) എന്നിവര്‍ക്കെതിരേ നടപടി സ്വീകരിക്കാനാണ് ജില്ലാ പൊലിസ് മേധാവി ജി. ജയദേവ് നിര്‍ദേശം നല്‍കിയത്. നാട്ടിലെത്തുന്നതിനുള്ള പാസ് ഇവരുടെ കൈവശമുണ്ടായിരുന്നെങ്കിലും ബസ് ഡ്രൈവര്‍ ഈസ്റ്റ് പൊലിസ് സ്‌റ്റേഷനു മുന്നില്‍ ഇറക്കിവിടുകയായിരുന്നെന്ന് യുവാക്കള്‍ പറയുന്നു. പൊലിസ് സ്‌റ്റേഷനില്‍ ബന്ധപ്പെട്ടാല്‍ ഇവിടെനിന്നുള്ള യാത്രയ്ക്ക് ക്രമീകരണം ഏര്‍പ്പെടുത്തുമെന്നാണ് ഇവരോട് പറഞ്ഞിരുന്നത്.
ഇവര്‍ ആദ്യം പൊലിസ് സ്‌റ്റേഷനിലും പിന്നീട് ജില്ലാ പൊലിസ് മേധാവിയുടെ കാര്യാലയത്തിലും എത്തി. പൊലിസ് ഉദ്യോഗസ്ഥര്‍ വിശദ വിവരങ്ങള്‍ അന്വേഷിച്ചപ്പോള്‍ കര്‍ണാടകത്തില്‍ നിന്ന് എത്തിയതാണെന്നറിഞ്ഞതോടെ ഇരുവരെയും ഉടന്‍ തന്നെ അതിരമ്പുഴയിലെ കൊവിഡ് നിരീക്ഷണ കേന്ദ്രത്തിലേക്ക് മാറ്റുന്നതിന് നടപടി സ്വീകരിച്ചു.
ഇവരെ കോട്ടയത്ത് ഇറക്കിയ ബസ് പിറവം പൊലിസ് പിടികൂടി. മറ്റു സംസ്ഥാനങ്ങളില്‍ നിന്ന് എത്തുന്നവര്‍ പൊതുസമ്പര്‍ക്കം നിര്‍ബന്ധമായും ഒഴിവാക്കി ക്വാറന്റൈനില്‍ കഴിയണമെന്ന സര്‍ക്കാര്‍ നിര്‍ദേശം ലംഘിക്കുന്നവര്‍ക്കെതിരേ സാംക്രമിക രോഗ നിയന്ത്രണ നിയമപ്രകാരമാണ് കേസെടുക്കുക.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."