എടപ്പാള്‍: കാലടി ഗ്രാമപഞ്ചായത്തില്‍ ആരോഗ്യ വകുപ്പിന്റെ നേതൃത്വത്തില്‍ മിഷന്‍ ഇന്ദ്രധനുസ് മൂന്നാംഘട്ടം ആരംഭിച്ചു. സമ്പൂര്‍ണമായി കുട്ടികള്‍ക്ക് പ്രതിരോധ കുത്തിവെപ്പ് എടുക്കുന്ന പദ്ധതിയാണ് ഇത്. കുത്തിവയ്പ്പ് എടുക്കാത്ത മുഴുവന്‍ കുട്ടികള്‍ക്കും ബോധവല്‍ക്കരണത്തിലൂടെ പ്രതിരോധ കുത്തിവെപ്പ് നടത്തി സമ്പൂര്‍ണ പ്രതിരോധ കുത്തിവെപ്പ് പഞ്ചായത്താക്കും.
ഒതവഞ്ചേരി അങ്കണവാടി, പാട്ടുപറമ്പ് അങ്കണവാടി എന്നിവിടങ്ങളില്‍ നടന്ന ക്യാംപുകള്‍ കാലടി പ്രാഥമികാരോഗ്യകേന്ദ്രം മെഡിക്കല്‍ ഓഫിസര്‍ ഡോ. കെ.പി മൊയ്തീന്‍ ഉദ്ഘാടനം ചെയ്തു. ഹെല്‍ത്ത് ഇന്‍സ്പക്ടര്‍ സി.ആര്‍ ശിവപ്രസാദ് അധ്യക്ഷനായി. എന്‍.പി ലീലാവതി, സതീഷ് അയ്യാപ്പില്‍, കെ.ആര്‍ ഷൈലജ, വി.എസ് മനോജ്, കെ.എ കവിത സംസാരിച്ചു.