നായ്ക്കട്ടി: നൂല്‍പ്പുഴ പഞ്ചായത്തിലെ നെന്മേനികുന്നിലുണ്ടായ കനത്തകാറ്റില്‍ വാഴകൃഷി വ്യാപകമായി നശിച്ചു.
കുളത്തിങ്കല്‍ രാജന്റെ 600ഓളം കുലച്ച വാഴകളാണ് കാറ്റില്‍ നിലംപൊത്തിയത്. കഴിഞ്ഞ ദിവസം വേനല്‍മഴക്കൊപ്പം വീശിയടിച്ച കാറ്റിലാണ് വാഴകൃഷി നശിച്ചത്. വേനല്‍കാലത്ത് ഒരു കി.മീറ്റര്‍ അകലെയുള്ള പുഴയില്‍ നിന്നും വെള്ളമെത്തിച്ച് നനച്ചാണ് ഇയാള്‍ കൃഷി സംരക്ഷിച്ചിരുന്നത്. ഇതിനുപുറമെ പതിനായിരക്കണക്കിന് രൂപ പണിക്കും മറ്റുമായി ചിലവഴിച്ചിരുന്നു.
കൃഷി നശിച്ചതോടെ കടക്കെണിയാലായിരിക്കുകയാണ് ഈ കര്‍ഷകന്‍. കൃഷിവകുപ്പിന്റെ ഭാഗത്തുനിന്നും അടിയന്തര ധനസഹായം ഉണ്ടാവണമെന്നാണ് കര്‍ഷകര്‍ പറയുന്നത്. നഷ്ടപരിഹാരം ലഭിച്ചില്ലങ്കില്‍ കൃഷി ഉപേക്ഷിക്കേണ്ടിവരുമെന്നാണ് രാജന്‍ പറയുന്നത്.