കോഴിക്കോട്: കിഴക്കുംമുറി ഗ്രാമപോഷിണി വായനശാല ബാലവേദിയും പടിഞ്ഞാറ്റുമുറി ജി.യു.പി സ്‌കൂള്‍ വിദ്യാരംഗം കലാസാഹിത്യവേദിയും സംയുക്തമായി വായനാപക്ഷാചരണം സംഘടിപ്പിച്ചു. മാധ്യമപ്രവര്‍ത്തകനും എഴുത്തുകാരനുമായ ലത്തീഫ് പറമ്പില്‍ ഉദ്ഘാടനം ചെയ്തു. പി.ടി.എ പ്രസിഡന്റ് സി. പുഷ്പാംഗദന്‍ അധ്യക്ഷനായി.
താലൂക്ക് ലൈബ്രറി കൗണ്‍സില്‍ പ്രവര്‍ത്തകസമിതി അംഗം സി. അശോകന്‍ മാസ്റ്റര്‍ മുഖ്യാതിഥിയായിരുന്നു. സ്‌കൂള്‍ ലീഡര്‍ കെ.പി അര്‍ജുന്‍ എഴുത്തുപെട്ടി സ്വീകരിച്ചു. 'അമ്മ' വായന പദ്ധതിയുടെ ഭാഗമായുള്ള പുസ്തകം പി.ടി.എ കമ്മിറ്റിയംഗം കെ.പി ഷീബ ഏറ്റുവാങ്ങി.
ഭാഷാ ക്ലബ് കണ്‍വീനറും ലൈബ്രറി ഇന്‍ചാര്‍ജുമായ രഞ്ജിനി വിശദീകരണം നടത്തി. പ്രധാനാധ്യാപകന്‍ സാദിഖ്, വാര്‍ഡംഗം പി.കെ തങ്കമണി, വായനശാല സെക്രട്ടറി കോട്ടയില്‍ ഉണ്ണി, എന്‍. സുരേന്ദ്രന്‍, എം.പി.ടി.എ അംഗം, വിദ്യാരംഗം സാഹിത്യവേദി കണ്‍വീനര്‍ ശൈലജ, രാധിക സംസാരിച്ചു.