പള്ളിക്കുറുപ്പ്: കോളപ്പാകം കവാകിബുല്‍ ഇസ്‌ലാം മദ്‌റസ കമ്മിറ്റി നുസ്‌റത്തുല്‍ ഇസ്‌ലാം സംഘടിപ്പിക്കുന്ന സ്വലാത്ത് വാര്‍ഷികവും ദുആ മജ്‌ലിസും മതപ്രഭാഷണവും ഇന്നും നാളെയും നടക്കും.
പള്ളിക്കുറുപ്പ് മുണ്ടപോക്ക് മിനിസ്റ്റേഡിയത്തിലാണ് പരിപാടി. കോളപ്പാകം മഹല്ല് ഖാസി കല്ലടി അബൂബക്കര്‍ മുസ്‌ലിയാര്‍ ഉദ്ഘാടനം ചെയ്യും.
മദ്‌റസാ പ്രസിഡന്റ് മൂസ മുസ്‌ലിയാര്‍ അധ്യക്ഷനാകും. തഴവാ ഉസ്താദിന്റെ പേരമകന്‍ കുമ്മനം നിസാമുദ്ദീന്‍ അസ്ഹരി മുഖ്യപ്രഭാഷണം നടത്തും.
നാളെ രാത്രി എട്ടിന് മജ്‌ലിസുന്നൂറില്‍ അബ്ദുള്ള സലിം വാഫി മുഖ്യപ്രഭാഷണം നടത്തും. സയ്യിദ് ഇമ്പിച്ചിക്കോയ തങ്ങള്‍ കൊടക്കാട് ദുആക്ക് നേതൃത്വം നല്‍കും.