ആലുവ : സ്വയ ഭരണാധികാരം ലഭിച്ച കോളജുകളുടെ പ്രവര്‍ത്തനങ്ങളെക്കുറിച്ച് സര്‍ക്കാര്‍ ഗൗരവകരമായ പരിശോധന നടത്ത്ണമെന്ന് എ.ഐ.എസ്.എഫ് ജില്ലാ സമ്മേളനം സര്‍ക്കാരിനോട് ആവശ്യപ്പെട്ടു.
ഇത്തരം അധികാരമുള്ള കോളജുകളില്‍ വിദ്യാര്‍ഥികളെ ചൂഷണം നടത്തുകയാണും, നിലവില്‍ കേരളത്തിലെ എം.ജി, കാലിക്കറ്റ്, കേരള സര്‍വ്വകലാശാലകളുടെ കീഴില്‍ പതിനെട്ടോളം സ്വയം ഭരണാധികാരമുള്ള കോളജുകളാണു പ്രവര്‍ത്തിക്കുന്നത്. ഈ സ്ഥാപനങ്ങള്‍ കേരളത്തിലെ വിദ്യാഭ്യാസ മേഖലയ്ക്ക് നല്‍ കിയ സംഭാവനകളെ കുറിച്ച് ശാസ്ത്രീയമായി അവലോകനം നടത്താനും സര്‍ക്കാര്‍ നടപടിയെടുക്കണമെന്നും പ്രമേയം ഉന്നയിച്ചു.
ചൂര്‍ണ്ണിക്കര പഞ്ചായത്ത് കമ്മ്യൂണിറ്റി ഹാളില്‍ നടന്ന പ്രതിനിധി സമ്മേളനം എ.ഐ.എസ്.എഫ് സംസ്ഥാന പ്രസിഡന്റ് അരുണ്‍ ബാബു ഉദ്ഘാടനം ചെയ്തു. എം.ആര്‍. ഹരികൃഷ്ണന്‍ അദ്ധ്യക്ഷത വഹിച്ചു.
എ.ഐ.എസ്.എഫ് സംസ്ഥാന വൈസ് പ്രസിഡന്റ് കെ.ജെ.ജോയ്‌സ്, ജോ.സെക്രട്ടറി ബി.ജി. വിഷ്ണു, സി.പി.ഐ സംസ്ഥാന കൗണ്‍സിലംഗങ്ങളായ എം.ടി. നിക്‌സണ്‍, കെ.എന്‍.സുഗതന്‍, കമലാ സദാനന്ദന്‍, ബാബു പോള്‍, കെ.കെ. അഷ് റഫ്, എസ്.ശ്രീകുമാരി, എന്‍.അരുണ്‍, എ.ഷംസുദ്ദീന്‍, പി.നവകുമാരന്‍, മനോജ്.ജി.കൃഷ്ണന്‍, സി.ടി.സന്‍ ജിത്എന്നിവര്‍ സംസാരിച്ചു. എം.ആര്‍ .ഹരികൃഷ്ണനെ പ്രസിഡന്റായും, അസ് ലഫ് പാറേക്കാടനെ സെക്രട്ടറിയായും സമ്മേളനം തിരെഞ്ഞെടുത്തു.