കോട്ടയം: കെ.എസ്.ആര്‍.ടി.സി എം.ഡി ടോമിന്‍.ജെ തച്ചങ്കരി ഇന്നലെ രാത്രി കോട്ടയം കെ.എസ്.ആര്‍.ടി.സി സ്റ്റാന്റില്‍ മിന്നല്‍ സന്ദര്‍ശനം നടത്തി. രാത്രി 7.45ന് ഔദ്യോഗിക വാഹനത്തിലെത്തിയ അദ്ദേഹത്തോട് സ്റ്റാന്റിന്റെ ശോച്യാവസ്ഥ സംബന്ധിച്ച പരാതികള്‍ ജീവനക്കാര്‍ ഉന്നയിച്ചു. പുനരദ്ധാരണ പ്രവൃത്തികള്‍ക്കായി റോഡ് പൊളിച്ചതോടെ മഴക്കാലത്ത് സ്റ്റാന്റ് ചെളിക്കുളമായി. പരാതികള്‍ ശ്രദ്ധയില്‍പ്പെടുത്തിയപ്പോള്‍ ആവശ്യമായ നടപടികള്‍ സ്വീകരിക്കാമെന്ന് അദ്ദേഹം ഉറപ്പു നല്‍കി.