മലപ്പുറം: മണ്ഡലത്തിലെ വോട്ടിങ് നില പി.കെ കുഞ്ഞാലിക്കുട്ടിക്ക് അനുകൂലമെന്നു യു.ഡി.എഫ് തെരഞ്ഞെടുപ്പ് കമ്മിറ്റിയുടെ വിലയിരുത്തല്‍. വോട്ടെടുപ്പ് വിലയിരുത്തിയ ശേഷമാണ് യു.ഡി.എഫ് നേതൃത്വം മികച്ച വിജയസാധ്യതയുണ്ടെന്ന നിഗമനത്തിലെത്തിയത്. മികച്ച വിജയം നേടാനാകുമെന്നു സ്ഥാനാര്‍ഥി പി.കെ കുഞ്ഞാലിക്കുട്ടിയും ആത്മവിശ്വാസം പ്രകടിപ്പിച്ചു. തെരഞ്ഞെടുപ്പ് വിഷയങ്ങള്‍ ജനങ്ങള്‍ ഏറ്റെടുത്തെന്നാണ് വോട്ടെടുപ്പ് ദിവസം ബോധ്യപ്പെട്ടതെന്ന് കുഞ്ഞാലിക്കുട്ടി പറഞ്ഞു. എല്ലാംകൊണ്ടും അനുകൂലമായ സാഹചര്യമാണ് മണ്ഡലത്തിലുള്ളത്. തെരഞ്ഞെടുപ്പ് പ്രക്രിയയില്‍ പങ്കെടുത്ത വോട്ടര്‍മാര്‍ക്കു നന്ദി രേഖപ്പെടുത്തുന്നതായും കുഞ്ഞാലിക്കുട്ടി അറിയിച്ചു.   കുഞ്ഞാലിക്കുട്ടി മികച്ച വിജയം നേടുമെന്നു വോട്ട് ചെയ്ത ശേഷം മുസ്‌ലിംലീഗ് സംസ്ഥാന പ്രസിഡന്റ് പാണക്കാട് ഹൈദരലി ശിഹാബ് തങ്ങളും അഭിപ്രായപ്പെട്ടു.