മാഹി: നിയന്ത്രണം വിട്ടു കുതിച്ചെത്തിയ ലോറി എഴുത്തുകാരന്‍ എം. മുകുന്ദന്റെ വീട്ടുമതില്‍ തകര്‍ത്തു. ഇന്നലെ രാവിലെ 10.30ഓടെയാണ് അപകടം. മാഹി സെമിത്തേരി റോഡിലെ വീട്ടിലേക്ക് ചെങ്കല്‍ കയറ്റിയ ലോറി ഇരച്ചുകയറി മതിലും ഗേറ്റും മുഴുവനായും തകര്‍ക്കുകയായിരുന്നു. മൂന്നാം തവണയാണ് ലോറി ഇടിച്ച് വീടിന്റെ മതില്‍ തകരുന്നത്. ജങ്ഷനിലുള്ള ഇറക്കത്തിലാണ് വീട്. മാഹി മെയിന്‍ റോഡില്‍ തിരക്കേറുമ്പോള്‍ പലപ്പോഴും വാഹനങ്ങള്‍ ഇതുവഴിയാണ് കടത്തിവിടാറ്. സംഭവം നടക്കുമ്പോള്‍   എം. മുകുന്ദന്‍ വീട്ടിലുണ്ടായിരുന്നു. ലോറിയുടെ മുന്‍ഭാഗം മുഴുവനായും തകര്‍ന്നു.