കൊല്ലം: കാന്‍സര്‍ പോലുള്ള മാരക രോഗങ്ങള്‍ ഉണ്ടാക്കുന്ന രാസവസ്തുക്കള്‍ മത്സ്യം ഉള്‍പ്പെടെയുള്ള ഭക്ഷ്യവസ്തുക്കളില്‍ പ്രയോഗിച്ച് വിപണനം നടത്തുന്നത് തടയന്‍ നിയമ ഭേദഗതി കൊണ്ടുവരാന്‍ സര്‍ക്കാര്‍ തയാറാകണമെന്ന് കേരള മത്സ്യത്തൊഴിലാളി കോണ്‍ഗ്രസ് (ബി) കൊല്ലം ജില്ലാ കമ്മിറ്റി ആവശ്യപ്പെട്ടു. ഇത്തരം കേസുകളില്‍ പ്രോസിക്യൂഷന്‍ നടപടികള്‍ വേഗത്തിലാക്കാനും ജാമ്യമില്ലാ വകുപ്പ് ചുമത്താനും കഴിയുന്ന വിധത്തില്‍ നിയമം നടപ്പിലായെങ്കില്‍ മാത്രമേ മായം ചേര്‍ക്കല്‍ അടക്കമുള്ള നിയമവിരുദ്ധ നടപടികള്‍ക്ക് പരിഹാരം കാണാന്‍ കഴിയൂ എന്നും യോഗം ചൂണ്ടിക്കാട്ടി. ജില്ലാ പ്രസിഡന്റ് കലയപുരം വൈ. രാജു അധ്യക്ഷനായി. സംസ്ഥാന പ്രസിഡന്റ് എന്‍.എസ് വിജയന്‍ ഉദ്ഘാടനം ചെയ്തു. പെരുങ്കുളം സുരേഷ്, പേരൂര്‍ സജീവ്, നിബു തങ്കച്ചന്‍, ചാത്തന്നൂര്‍ ഷാജി സംസാരിച്ചു.