പെരിങ്ങത്തൂര്‍: വിദ്യാര്‍ഥികള്‍ക്കും സഹപ്രവര്‍ത്തകര്‍ക്കുംതേന്‍വരിക്ക പ്ലാവിന്‍തൈ വിതരണം ചെയ്തു അധ്യാപകന്‍ മാതൃകയായി. പെരിങ്ങത്തൂര്‍ മുസ്ലീം എല്‍ .പി സ്‌കൂള്‍ പ്രധാനധ്യാപകന്‍പി.ബിജോയിയാണ് സ്വന്തമായി വീട്ടില്‍ തയാറാക്കിയ നല്ലയിനം പ്ലാവിന്‍ തൈകള്‍ സൗജന്യമായി വിതരണം ചെയ്തത്.
കേരളാ സ്റ്റേറ്റ് ഭാരത് സ്‌കൗട്ട്‌സ് ആന്റ് ഗൈഡ്‌സ് തലശ്ശേരി ജില്ലാ അസോസിയേഷന്റെ ജില്ലാ സെക്രട്ടറി കൂടിയായ ഇദ്ദേഹം സ്‌കൗട്ട് ഗൈഡ് സംസ്ഥാന അസോസിയേഷനില്‍ നിന്നും കിട്ടിയ പ്രചോദനത്തിന്റെ ഭാഗമായി കൂടിയാണ് സ്വന്തമായി പ്ലാവിന്‍തൈകള്‍ ഉല്‍പാദിപ്പിക്കാനായി വീട്ടില്‍ നഴ്‌സറി തുടങ്ങിയത്.അഞ്ഞൂറിലധികം പ്ലാവിന്‍ തൈകളാണ് ഇത്തവണ തന്റെ നഴ്‌സറിയില്‍ തയാറാക്കിയത്.
പെരിങ്ങത്തൂര്‍ മുസ്ലീം എല്‍ .പി .സ്‌കൂളില്‍ നടന്ന ചടങ്ങില്‍ ചൊക്ലി ഉപജില്ലാ വിദ്യാഭ്യാസ ഓഫീസര്‍ പി.പി.വിനോദ് കുമാര്‍ തേന്‍വരിക്ക പ്ലാവിന്‍തൈയുടെ വിതരണ ഉദ്ഘാടനം നിര്‍വഹിച്ചു.
സ്‌കൂള്‍ ലീഡറായ ഹന പ്ലാവിന്‍ തൈ ഏറ്റുവാങ്ങി.പാനൂര്‍ നഗരസഭാ കൗണ്‍സിലര്‍ ഉമൈസ തിരുവമ്പാടി അധ്യക്ഷയായി.സ്‌കൂള്‍ മാനേജര്‍ എന്‍.എ.അബൂബക്കര്‍ മുഖ്യാതിഥിയായി. പി.ടി.എ.പ്രസിഡണ്ട് വി.പി.ഷംസുദ്ദീന്‍,കെ.പി.മുഹമ്മദ് സാദിഖ് സംസാരിച്ചു.