കാസര്‍കോട്: ബേക്കല്‍ ഫോര്‍ട്ട് ലയണ്‍സ് ക്ലബ് മെയ് 5,6,7 തിയതികളില്‍ പള്ളിക്കര ബീച്ച് പാര്‍ക്കില്‍ സംഘടിപ്പിക്കുന്ന 'മലബാര്‍' ഇന്റര്‍നാഷണല്‍ കൈറ്റ് ഫെസ്റ്റിനോടനുബന്ധിച്ചു സംസ്ഥാനതല മണല്‍ശില്‍പ നിര്‍മാണ മത്സരം സംഘടിപ്പിക്കും. ജില്ലാ ഭരണകൂടത്തിന്റെയും ബി.ആര്‍.ഡി.സിയുടെയും സഹകരണത്തോടെ സംഘടിപ്പിക്കുന്ന മലബാര്‍ കൈറ്റ് ഫെസ്റ്റില്‍ രാജ്യത്തിനകത്തും പുറത്തുമുള്ള വിവിധ ടീമുകളും പട്ടം പറത്തല്‍ വിദഗ്ദരും പങ്കെടുക്കും. മേളയില്‍ ഫോട്ടോഗ്രാഫിക് മത്സരങ്ങളും കൈറ്റ് ക്രാഫ്റ്റ് ശില്‍പശാല കേരളത്തിന്റെ തനത് കലാരൂപങ്ങള്‍ ഉള്‍ക്കൊള്ളിച്ചുകൊണ്ടുള്ള കലാപരിപാടികള്‍, അന്താരാഷ്ട്ര കാറോട്ട വിദഗ്ദന്‍ മൂസ ഷെരീഫിന്റെ നേതൃത്വത്തില്‍ ബീച്ച് ഡ്രൈവിങും സംഘടിപ്പിച്ചിട്ടുണ്ട്. മണല്‍ശില്‍പ നിര്‍മാണ മത്സരത്തില്‍ പങ്കെടുക്കാന്‍ ആഗ്രഹിക്കുന്നവര്‍ ഏപ്രില്‍ 25ന് മുമ്പായി പേര് രജിസ്റ്റര്‍ ചെയ്യണം. ഫോണ്‍. 8113000030, 9539526852