കൊച്ചി: മര്‍ദനം തടയുകയും ദൃശ്യങ്ങള്‍ മൊബൈലില്‍ പകര്‍ത്തി എന്നാരോപിക്കുകയും ചെയ്ത് ദമ്പതികളുടെ ദേഹത്ത് ആസിഡ് ഒഴിച്ച പ്രതിയെ പൊലിസ് അറസ്റ്റ് ചെയ്തു. കുട്ടമ്പുഴ മാമലക്കണ്ടം പാണ്ടാലില്‍ എല്‍ദോസ് (48) ആണ് പിടിയിലായത്. ആക്രമണത്തില്‍ മാമലക്കണ്ടം സ്വദേശിയായ എല്‍ദോസിനും ഭാര്യക്കുമാണ് പരിക്കേറ്റത്.

പ്രതിയായ എല്‍ദോസ് മറ്റൊരാളെ മര്‍ദിക്കുന്നത് കണ്ട പരാതിക്കാരന്‍ അത് തടയുകയും ദൃശ്യങ്ങള്‍ മൊബൈല്‍ ഫോണില്‍ പകര്‍ത്തി പൊലിസിനെ അറിയിക്കാന്‍ ശ്രമിക്കുകയും ചെയ്തു. ഇതില്‍ പ്രകോപിതനായ പ്രതി, ദമ്പതികളുടെ വീട്ടിലേക്ക് അതിക്രമിച്ചു കയറി ഇവര്‍ക്ക് നേരെ ആസിഡ് ഒഴിക്കുകയായിരുന്നു. ഗുരുതരമായി പരിക്കേറ്റ ദമ്പതികള്‍ ചികിത്സയിലാണ്. സംഭവത്തിന് ശേഷം ഒളിവില്‍ പോകാന്‍ ശ്രമിച്ച പ്രതിയെ കുട്ടമ്പുഴ പൊലിസ് അതിവേഗം പിടികൂടി.

ALSO READ: എ.വി.പി. സ്ഥാപകന്റെ മകൾ കൊല്ലപ്പെട്ട നിലയിൽ; ഹോം നഴ്സിനായി തിരച്ചിൽ, കവർച്ചാ ശ്രമമെന്ന് പൊലിസ്

ഇന്‍സ്‌പെക്ടര്‍ എ. ഷൈന്‍ കുമാറിന്റെ നേതൃത്വത്തില്‍ നടന്ന അന്വേഷണത്തില്‍ എസ്.ഐമാരായ കെ.കെ രാജേഷ്, പി.എ സിബി, എ.എസ്.ഐമാരായ കെ.പി സജി, ഷിനോജ്, ടി.പി ജോളി, ബേസില്‍ ജോസഫ്, സി.പി.ഒമാരായ എ.ജെ ജിസ്‌മോന്‍, പി.കെ ജയന്‍ എന്നിവരും പങ്കെടുത്തു. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.

A 48-year-old man was arrested for pouring acid on a couple in Kochi after they intervened in a physical brawl and recorded the incident on a mobile phone.