കോട്ടയം: പി.ജെ ജോസഫിനെ ഇടുക്കിയില്‍ സ്ഥാനാര്‍ഥിയാക്കിയാല്‍ സ്വാഗതം ചെയ്യുമെന്ന് ജോസ് കെ. മാണി എം.പി. ജോസഫിന് വിജയസാധ്യതയുള്ള മണ്ഡലമാണ് ഇടുക്കി. ഇടുക്കിയില്‍ സ്ഥാനാര്‍ഥിയാക്കിയാല്‍ അദ്ദേഹം വന്‍ ഭൂരിപക്ഷത്തില്‍ വിജയിക്കുമെന്നും ജോസ് കെ. മാണി മാധ്യമങ്ങളോട് പറഞ്ഞു.
മറ്റു സ്ഥാനാര്‍ഥികളെക്കാള്‍ ജോസഫിന് ഇടുക്കിയില്‍ വിജയസാധ്യത കൂടുതലാണ്. അതുകൊണ്ടു തന്നെയാണ് കോട്ടയത്തിന് പുറമെ ഒരു സീറ്റുകൂടി വേണമെന്ന ആവശ്യം കേരളാ കോണ്‍ഗ്രസ് യു.ഡി.എഫ് നേതൃത്വത്തോട് ഉന്നയിച്ചത്. ഇടുക്കിയില്‍ ജോസഫ് സ്ഥാനാര്‍ഥിയാകുമോ എന്ന കാര്യത്തില്‍ വ്യക്തതയില്ല. അതു സംബന്ധിച്ച ചര്‍ച്ചകള്‍ നടക്കുന്നതായാണ് വിവരം. ജോസഫിന് ഇടുക്കിയില്‍ സീറ്റ് ലഭിച്ചാല്‍ വളരെയധികം സന്തോഷമുണ്ടാകുമെന്നും അദ്ദേഹം കൂട്ടിച്ചേര്‍ത്തു.