റിയാദ്: മാസപ്പിറവി ദൃശ്യമാകാത്തതിനാല്‍ ഒമാനൊഴികെയുള്ള ഗള്‍ഫ് രാജ്യങ്ങളില്‍ ഞായറാഴ്ച്ച ഈദുല്‍ ഫിത്വര്‍. സഊദി അറേബ്യ, ഖത്തർ, കുവൈത്, യുഎഇ, ബഹ്‌റൈൻ തുടങ്ങിയ ഗൾഫ് രാജ്യങ്ങളിൽ ഞായറാഴ്ച്ചയാണ് ചെറിയ പെരുന്നാൾ. മാസപ്പിറവി ദൃശ്യമാകാത്തതിനാൽ റമദാൻ മുപ്പത് പൂർത്തിയാക്കി ഞായറാഴ്ച്ചയായിരിക്കും പെരുന്നാൾ എന്ന് സഊദി സുപ്രീം കോർട്ട് അറിയിച്ചു. അതേസമയം, ഒമാനില്‍ നാളെ മാസപ്പിറവി ദൃശമാവുകയാണെങ്കില്‍ ഞായറാഴ്ച്ചയും അല്ലെങ്കില്‍ തിങ്കളാഴ്ച്ചയുമാകും പെരുന്നാള്‍. ഇവിടെ മാസപ്പിറവി കാണാത്തതിനെ തുടർന്ന് ശഅ്ബാൻ 30 പൂർത്തികരിച്ചാണ് വ്രതാരംഭം തുടങ്ങിയിരുന്നത്.